AKCC — Advanced Kidney Care Clinic
அனைத்துப் பராமரிப்பு வழிகள்பராமரிப்பு வழி 03 இல் 04

இரத்த டயாலிசிஸ்

டயாலிசிஸ் இயந்திரம் உங்கள் இரத்தத்தை வடிகட்டி சுத்தமான இரத்தத்தை மீண்டும் உடலுக்குள் அனுப்புகிறது.

மேலும் அறிய
இங்கே தொடங்குங்கள்

இரத்த டயாலிசிஸ் என்றால் என்ன?

இரத்தம் உங்கள் உடலிலிருந்து டயலைசர் எனப்படும் சிறப்பு வடிகட்டி வழியாகச் செல்கிறது. இரத்தம் மீண்டும் உடலுக்குத் திரும்புவதற்கு முன் கழிவுகளையும் அதிகப்படியான திரவத்தையும் அது அகற்றுகிறது.

மேலும் அறிய

இரத்த டயாலிசிஸ் பொதுவாக வாரத்தில் குறிப்பிட்ட நாட்களில், பல மணி நேரம் செய்யப்படும். உங்களுக்கு எத்தனை முறை டயாலிசிஸ் தேவை, ஒவ்வொரு முறையும் எவ்வளவு நேரம் செய்ய வேண்டும் என்பதை உங்கள் சிறுநீரக பராமரிப்புக் குழு தீர்மானிக்கும்.

வடிகட்டிடயாலிசிஸ் இயந்திரம்
டயாலிசிஸிற்கான இரத்த நாள வழிAV ஃபிஸ்டுலா அல்லது கத்தீட்டர்
இடம்டயாலிசிஸ் நிலையம்
சிகிச்சை எவ்வாறு நடைபெறும்?

இரத்த டயாலிசிஸ் அமர்வு எப்படி இருக்கும்

டயாலிசிஸ் பிரிவில் சாய்ந்து அமரக்கூடிய வசதியான நாற்காலியில் இருப்பீர்கள். உங்கள் ஃபிஸ்டுலா அல்லது கத்தீட்டர் வழியாக இரத்தம் இயந்திரத்திற்குச் சென்று மீண்டும் உடலுக்குத் திரும்பும். சிகிச்சைக் குழு அருகிலிருந்து உங்களைக் கண்காணிக்கும்.

டயாலிசிஸ் இயந்திரத்துடன் எவ்வாறு இணைக்கப்படுவீர்கள்?

இரத்த டயாலிசிஸ் செய்வதற்காக இணைக்கப்படும் இரண்டு வழிகள்

உங்களுக்கு AV ஃபிஸ்டுலா அல்லது கத்தீட்டர் எது பொருத்தமானது, டயாலிசிஸின் போது அது எவ்வாறு பயன்படுத்தப்படும், அதை எவ்வாறு பாதுகாப்பாகப் பராமரிக்க வேண்டும் என்பவற்றை உங்கள் சிறுநீரக பராமரிப்புக் குழு விளக்கும்.

பொதுவாக கையில்

AV ஃபிஸ்டுலா

AV ஃபிஸ்டுலா என்பது பொதுவாக கையில் உள்ள ஒரு நாடியையும் ஒரு நாளத்தையும் அறுவைச் சிகிச்சை மூலம் இணைத்து உருவாக்கப்படுகிறது. காலப்போக்கில் நாளம் பெரிதாகவும் வலுவாகவும் மாறி, டயாலிசிஸிற்குப் பயன்படுத்த ஏற்றதாகிறது.

  • AV ஃபிஸ்டுலாவை டயாலிசிஸுக்குப் பயன்படுத்துவதற்கு முன் அது முதிர்ச்சியடைய நேரம் தேவை.
  • சில நேரங்களில் ஃபிஸ்டுலா முதிர்ச்சியடைய உதவுவதற்கு அல்லது டயாலிசிஸுக்குப் பொருத்தமானதாக மாற்றுவதற்கு மற்றொரு சத்திர சிகிச்சை தேவைப்படலாம்.
  • ஒவ்வொரு டயாலிசிஸ் சிகிச்சையின்போதும் இரண்டு ஊசிகள் பயன்படுத்தப்படும்.
கழுத்தும் மார்பும்

மத்திய சிரை கத்தீட்டர் (CVC)

கத்தீட்டர் கழுத்தில் உள்ள ஒரு பெரிய இரத்த நாளத்தின் வழியாக உள்ளே செலுத்தப்படும். அதன் முனை இதயத்திற்கு அருகில் உள்ளிருக்கும் பெரிய இரத்த நாளத்தில் இருக்கும். கத்தீட்டரின் ஒரு பகுதி தோலுக்குக் கீழே சென்று, மார்புப் பகுதியினூடாக வெளியே வரும். உடலுக்கு வெளியே உள்ள இரண்டு முனைகளும் டயாலிசிஸ் செய்யும்போது இயந்திரத்துடன் இணைக்கப்படும்.

  • கத்தீட்டர் பொருத்தப்பட்ட பின்னர், டயாலிசிஸிற்கு உடனடியாகப் பயன்படுத்த முடியும்.
  • டயாலிசிஸுக்காக கையில் ஊசிகள் போடப்படாது.
  • கட்டுப்போடும் பகுதியை சுத்தமாகவும் உலர்வாகவும் பாதுகாப்பாகவும் வைத்திருக்க வேண்டும்.
இரத்த டயாலிசிஸ் சிகிச்சை

ஒரு டயாலிசிஸ் அமர்வில் என்ன நடக்கும்?

ஒவ்வொரு டயாலிசிஸ் அமர்வின்போதும், உங்கள் உடல்நிலையை சிறுநீரக பராமரிப்புக் குழு தொடர்ந்து கண்காணிக்கும்.

01

வருகையும் பரிசோதனையும்

உங்கள் எடை, இரத்த அழுத்தம், அறிகுறிகள் மற்றும் ஃபிஸ்டுலா அல்லது கத்தீட்டர் பரிசோதிக்கப்படும்.

02

இணைத்தல்

உங்கள் ஃபிஸ்டுலா அல்லது கத்தீட்டர் வழியாக டயாலிசிஸ் குழாய்கள் இணைக்கப்படும்.

03

வடிகட்டுதல்

இரத்தம் டயலைசர் வழியாகச் செல்லும்போது, அதிலுள்ள கழிவுகளும் தேவைக்கு அதிகமான நீரும் அகற்றப்படும்.

04

சிகிச்சை முடிந்த பின் மீண்டும் பரிசோதித்தல்

ஃபிஸ்டுலா பயன்படுத்தப்பட்டால் ஊசிகள் அகற்றப்படும்; கத்தீட்டர் பயன்படுத்தப்பட்டால் இயந்திரத்துடனான இணைப்பு துண்டிக்கப்படும். இரத்த அழுத்தமும் உங்கள் நலனும் மீண்டும் பரிசோதிக்கப்படும்.

சிகிச்சைக்கு முன்

இரத்த டயாலிசிஸிற்குத் தயாராகுதல்

  • உங்கள் கைகளில் உள்ள இரத்த நாளங்களைப் பரிசோதித்து, உங்களுக்கு பொருத்தமான டயாலிசிஸ் வழி எது என்பதைத் தீர்மானித்தல்.
  • AV ஃபிஸ்டுலா பொருத்தமானதாக இருந்தால், அதை முன்கூட்டியே உருவாக்கி, டயாலிசிஸிற்குப் பயன்படுத்தத் தயாராக போதுமான காலம் வழங்குதல்.
  • உங்களுக்கு ஏற்ற டயாலிசிஸ் அட்டவணையைத் திட்டமிட்டு, டயாலிசிஸ் நிலையத்தில் சிகிச்சை தொடங்குவதற்கான ஏற்பாடுகளைச் செய்தல்.
  • மருந்துகள், உணவு மற்றும் நீங்கள் குடிக்க வேண்டிய திரவத்தின் அளவு குறித்து தனிப்பட்ட ஆலோசனை வழங்குதல்.
அன்றாடப் பராமரிப்பு

அன்றாட வாழ்க்கையில் கவனிக்க வேண்டியவை

  • வாரத்தில் குறிப்பிட்ட நாட்களில் டயாலிசிஸ் நிலையத்திற்குச் செல்ல வேண்டியிருக்கும். இதை வேலை, குடும்பம் மற்றும் பயணம் ஆகியவற்றுடன் சேர்த்து திட்டமிடலாம்.
  • சிகிச்சையின்போது அல்லது பின்னர் சிலருக்கு சோர்வு, தலைச்சுற்றல் அல்லது தசைப்பிடிப்பு ஏற்படலாம்; டயாலிசிஸ் குழுவிடம் தெரிவிக்க வேண்டும்
  • ஃபிஸ்டுலா உள்ள கை அல்லது கத்தீட்டர் இடத்தைப் பாதுகாத்துத் தொடர்ந்து பரிசோதிக்க வேண்டும்
  • உணவு, திரவம் மற்றும் மருந்துகள் உங்கள் இரத்த முடிவுகளுக்கும் மீதமுள்ள சிறுநீரகச் செயல்பாட்டிற்கும் ஏற்ப மாற்றப்படும்

நோயாளிகள் அடிக்கடி கேட்கும் கேள்விகள்

கேள்வியைத் தெரிவு செய்து சுருக்கமான பதிலைப் பாருங்கள் அல்லது முழுக் கேள்வி வழிகாட்டிக்குச் செல்லுங்கள்.

ஃபிஸ்டுலா என்பது பொதுவாக கையில் உள்ள ஒரு நாடியையும் நாளத்தையும் இணைத்து உருவாக்கப்படும் டயாலிசிஸ் வழியாகும். இது டயாலிசிஸிற்குப் பயன்படுத்தத் தயாராக சில காலம் தேவைப்படும். கத்தீட்டர் என்பது ஒரு பெரிய இரத்த நாளத்தில் பொருத்தப்படும் மென்மையான குழாய். இதை பொருத்திய பின்னர் டயாலிசிஸிற்கு உடனடியாகப் பயன்படுத்த முடியும்.

AV ஃபிஸ்டுலா உருவாக்கப்பட்ட பிறகு, டயாலிசிஸிற்குப் பயன்படுத்த ஏற்றதாக மாற சில வாரங்கள் தேவைப்படும். பொதுவாக 4–6 வாரங்களுக்குப் பிறகு, ஃபிஸ்டுலா டயாலிசிஸிற்குப் பயன்படுத்துவதற்குப் போதுமான அளவு முதிர்ச்சியடைந்துள்ளதா என்பதை சிறுநீரக பராமரிப்புக் குழு பரிசோதிக்கும். சில ஃபிஸ்டுலாக்கள் டயாலிசிஸிற்குப் பயன்படுத்தத் தயாராக அதிக காலம் எடுக்கலாம். தேவையானால், ஃபிஸ்டுலாவை டயாலிசிஸிற்குப் பயன்படுத்த ஏற்றதாக மாற்ற மற்றொரு சத்திர சிகிச்சை தேவைப்படலாம்.

AV ஃபிஸ்டுலா பயன்படுத்தப்பட்டால், ஒவ்வொரு டயாலிசிஸ் அமர்விலும் இரண்டு ஊசிகள் பயன்படுத்தப்படும். கத்தீட்டர் பயன்படுத்தப்பட்டால், டயாலிசிஸ் இயந்திரம் கத்தீட்டருடன் நேரடியாக இணைக்கப்படுவதால் ஊசிகள் பயன்படுத்தப்படாது.

மேலும் கேள்விகளைப் பார்க்க
உங்கள் ஆலோசனைச் சந்திப்பு

உங்கள் குடும்ப உறுப்பினர்களை அழைத்து வாருங்கள்.

அவர்களும் அதே தகவல்களைப் புரிந்துகொண்டு, முக்கிய விடயங்களை நினைவில் வைத்துக்கொண்டு, உங்கள் அடுத்த படிகளைத் திட்டமிட உதவலாம்.

AKCCக்கு தயாராகுங்கள்
மேலும் அறிய

அடுத்த பராமரிப்பு வழி

டயாலிசிஸ் இல்லாத சிறுநீரக பராமரிப்பு