AKCC — Advanced Kidney Care Clinic
அனைத்துப் பராமரிப்பு வழிகள்பராமரிப்பு வழி 02 இல் 04

வயிற்றுப்படல டயாலிசிஸ்

சிறப்பு டயாலிசிஸ் திரவமும் வயிற்றின் உட்புறப் படலமும் சேர்ந்து கழிவுகளையும் அதிகப்படியான நீரையும் அகற்றுகின்றன.

மேலும் அறிய
இங்கே தொடங்குங்கள்

வயிற்றுப்படல டயாலிசிஸ் என்றால் என்ன?

கத்தீட்டர் (வடிகுழாய்) எனப்படும் மென்மையான குழாய் வயிற்றில் வைக்கப்படும். சிறப்பு டயாலிசிஸ் திரவம் அதன் வழியாக வயிற்றுக்குள் சென்று குறிப்பிட்ட நேரம் தங்கும்.

மேலும் அறிய

வயிற்றின் உட்புறப் படலம் இயற்கை வடிகட்டியாகச் செயல்படும். பயன்படுத்திய திரவம் வெளியேற்றப்பட்டு புதிய திரவம் நிரப்பப்படும்; இந்தச் சுழற்சி திரவ மாற்றம் எனப்படும்.

வடிகட்டிவயிற்றின் உட்புறப் படலம்
பயன்படுத்தும் குழாய்வயிற்றில் வைக்கப்படும் மென்மையான கத்தீட்டர்
முறைமீண்டும் செய்யப்படும் திரவ மாற்றங்கள்
வயிற்றுப்படல டயாலிசிஸ் எவ்வாறு செயல்படுகிறது?

வயிற்றுப்படல டயாலிசிஸில் திரவம் உள்ளேயும் வெளியேயும் செல்லும் விதம்

புதிய டயாலிசிஸ் திரவம் வயிற்றுக்குள் செல்கிறது. திரவம் தங்கியிருக்கும் போது வயிற்றுப்படல இரத்த நாளங்களிலிருந்து கழிவுகளும் அதிகப்படியான நீரும் திரவத்துக்குள் செல்கின்றன. பின்னர் பயன்படுத்திய திரவம் தனி பைக்குள் வெளியேறுகிறது.

PD செய்யும் இரண்டு முறைகள்

CAPD மற்றும் APD

இரண்டிலும் அதே வயிற்றுக் கத்தீட்டர் பயன்படுத்தப்படுகிறது. முக்கிய வேறுபாடு, டயாலிசிஸ் திரவம் எவ்வாறு மாற்றப்படுகிறது என்பதுதான் — CAPD-யில் திரவ மாற்றங்கள் கையால் செய்யப்படுகின்றன; APD-யில் இயந்திரம் மூலம் தானாகச் செய்யப்படுகின்றன.

கையால் செய்யும் திரவ மாற்றங்கள்

CAPD

நோயாளி அல்லது பயிற்சி பெற்ற பராமரிப்பாளர் பைகளை இணைத்து ஒவ்வொரு திரவ மாற்றத்தையும் கையால் செய்கிறார். இயந்திரம் பயன்படுத்தப்படாது.

  • பயன்படுத்திய திரவம் முதலில் வெளியேற்றப்படுகிறது.
  • புதிய டயாலிசிஸ் திரவம் வயிற்றுக்குள் செலுத்தப்பட்ட பின், டயாலிசிஸ் பைகளுடனான இணைப்பு அகற்றப்படும்.
  • அடுத்த திரவ மாற்றம் வரை புதிய திரவம் வயிற்றில் இருக்கும்.
சைக்ளர் இயந்திரம் திரவ மாற்றம் செய்யும்

APD

சிறுநீரகக் குழு பரிந்துரைத்த அமைப்புகளின்படி சைக்ளர் இயந்திரம் திரவத்தை நிரப்புதல், தங்கவைத்தல் மற்றும் வெளியேற்றுதல் ஆகியவற்றைத் தானாகச் செய்கிறது.

  • சிகிச்சையைத் தொடங்குவதற்கு முன், தேவையான டயாலிசிஸ் பைகள் சைக்ளர் இயந்திரத்துடன் இணைக்கப்பட்டு, சிகிச்சைக்குத் தேவையான ஏற்பாடுகள் செய்யப்படும்.
  • பொதுவாக பல மணிநேரம், பெரும்பாலும் தூங்கும்போது இயங்கும்.
  • நோயாளி அல்லது பராமரிப்பாளர் சைக்ளர் இயந்திரத்தைப் பயன்படுத்துவது, சிகிச்சைக்குத் தேவையான இணைப்புகளைச் செய்வது மற்றும் அலாரம் வந்தால் என்ன செய்வது என்பதைக் கற்றுக்கொள்வார்.
செயல்முறை

திரவ மாற்றம் எவ்வாறு நடைபெறும்

திரவ மாற்றத்தின் ஒவ்வொரு படியையும் உங்கள் சிறுநீரக பராமரிப்புக் குழு உங்களுக்கு விளக்கிக் கற்றுக்கொடுக்கும்.

01

கத்தீட்டர்

சிகிச்சையைத் தொடங்குவதற்கு முன், மென்மையான கத்தீட்டர் வயிற்றுக்குள் பொருத்தப்படும்.

02

நிரப்புதல்

புதிய டயாலிசிஸ் திரவம் கத்தீட்டர் வழியாக வயிற்றுக்குள் செல்லும்.

03

தங்கும் நேரம்

இந்த நேரத்தில், கழிவுகளும் அதிகப்படியான நீரும் இரத்தத்திலிருந்து டயாலிசிஸ் திரவத்திற்குள் செல்கின்றன.

04

பயன்படுத்திய திரவத்தை வெளியேற்றி புதிய திரவம் செலுத்துதல்

பயன்படுத்திய திரவம் வெளியேற்றப்பட்ட பின், புதிய டயாலிசிஸ் திரவம் வயிற்றுக்குள் செலுத்தப்படும்.

சிகிச்சைக்கு முன்

தயாராகும் போது செய்யப்படக்கூடியவை

  • கத்தீட்டரைப் பொருத்த சிறிய அறுவைச் சிகிச்சையும் அந்த இடம் குணமடைய போதுமான நேரமும்
  • திரவத்தை மாற்றும் படிகள் மற்றும் தொற்று ஏற்படாமல் பாதுகாப்பாக திரவ மாற்றம் செய்வது பற்றிய பயிற்சி
  • சிறுநீரகக் குழுவுடன் ஒப்புக்கொண்ட அட்டவணையும் பொருள் வழங்கல் திட்டமும்
  • மருந்துகள், உணவு, திரவம் மற்றும் கண்காணிப்பு குறித்த தனிப்பட்ட ஆலோசனை
அன்றாடப் பராமரிப்பு

அன்றாட வாழ்க்கையில் கவனிக்க வேண்டியவை

  • சிறுநீரகக் குழு அறிவுறுத்திய அட்டவணைப்படி திரவ மாற்றங்களை முடிக்க வேண்டும்
  • கத்தீட்டரையும் அதைச் சுற்றிய தோலையும் மிகவும் சுத்தமாகப் பராமரிக்க வேண்டும்
  • வெளியேறும் டயாலிசிஸ் திரவம் வழக்கத்தை விட மங்கலாக அல்லது கலங்கலாக இருந்தால், அல்லது வயிற்றுவலி அல்லது காய்ச்சல் ஏற்பட்டால், அவை தொற்றின் அறிகுறிகளாக இருக்கலாம்; உடனே தெரிவிக்க வேண்டும்
  • தொடர்ந்த இரத்தப் பரிசோதனைகள், மருத்துவச் சந்திப்புகள் மற்றும் டயாலிசிஸ் போதுமான அளவில் செயல்படுகிறதா என்பதைப் பார்க்கும் சோதனைகள் தேவைப்படும்.

நோயாளிகள் அடிக்கடி கேட்கும் கேள்விகள்

கேள்வியைத் தெரிவு செய்து சுருக்கமான பதிலைப் பாருங்கள் அல்லது முழுக் கேள்வி வழிகாட்டிக்குச் செல்லுங்கள்.

CAPD-யில் டயாலிசிஸ் திரவ மாற்றங்கள் பகல் நேரத்தில் கையால் செய்யப்படுகின்றன. APD-யில் சைக்ளர் இயந்திரம் இரவு நேரத்தில், நீங்கள் தூங்கும்போது, திரவ மாற்றங்களைத் தானாகச் செய்கிறது. இரண்டிலும் வயிற்றில் பொருத்தப்பட்டுள்ள ஒரே வகையான கத்தீட்டர் பயன்படுத்தப்படுகிறது.

PD வீட்டிலேயே செய்யப்படுவதால், வேலை, படிப்பு, குடும்ப வாழ்க்கை மற்றும் பயணம் போன்ற அன்றாட நடவடிக்கைகளைத் திட்டமிடுவதில் அதிக சுதந்திரம் கிடைக்கலாம். சிலருக்கு தினசரி வாழ்க்கைக்கு ஏற்றவாறு டயாலிசிஸ் நேரத்தைத் திட்டமிடவும் முடியும்.

வீட்டில் PD செய்வதற்கு முன், அதை எவ்வாறு பாதுகாப்பாகச் செய்வது என்பதை உங்கள் சிறுநீரக பராமரிப்புக் குழு படிப்படியாகக் கற்றுக்கொடுக்கும். தேவையான இணைப்புகளைச் செய்வது, கத்தீட்டரைப் பாதுகாப்பாகப் பராமரிப்பது மற்றும் பிரச்சினைகள் ஏற்பட்டால் என்ன செய்வது என்பதையும் கற்றுக்கொள்வீர்கள். நீங்கள் வீட்டில் PD-ஐ பாதுகாப்பாகச் செய்யத் தயாராகும் வரை, உங்கள் சிறுநீரக பராமரிப்புக் குழு உங்களுக்குத் தேவையான பயிற்சியை வழங்கும். அதன் பின்னரே வீட்டில் செய்யத் தொடங்குவீர்கள்.

மேலும் கேள்விகளைப் பார்க்க
உங்கள் ஆலோசனைச் சந்திப்பு

உங்கள் குடும்ப உறுப்பினர்களை அழைத்து வாருங்கள்.

அவர்களும் அதே தகவல்களைப் புரிந்துகொண்டு, முக்கிய விடயங்களை நினைவில் வைத்துக்கொண்டு, உங்கள் அடுத்த படிகளைத் திட்டமிட உதவலாம்.

AKCCக்கு தயாராகுங்கள்
மேலும் அறிய

அடுத்த பராமரிப்பு வழி

இரத்த டயாலிசிஸ்